Ola familias,
Temos o pracer de presentarvos a campaña de igualdade de xénero '20 medrar sen violencia, 20 medrar en igualdade' que as tres ANPAs do Concello de Ponte Caldelas, en colaboración coa Secretaría Xeral da Igualdade, estamos a por en marcha nos tres centros de ensino do concello durante este ano 2020.
Hoxe presentámosvos a primeira das accións que leva por título:
“A igualdade multiplica”
É unha actividade que realizarán todas as aulas do IES e 5ª e 6º de primaria dos CEIPs durante os meses de outubro, novembro e decembro.
Con esta mensaxe animámosvos a participar xunto coas vosas fillas e os vosos fillos, para avanzar na educación en igualdade dende as familias e os centros de ensino.
Como estamos en tempos de Covid para maior seguridade toda a formación vai ser virtual, en pequenos vídeos moi animados que poderedes ver e escoitar en calquera momento.
Aquí tedes o enlace a nosa canle de Youtube onde xa podedes visualizar os videos de presentación:
https://www.youtube.com/channel/UCpsstnFUGfaxcK1cd57BOHg
Recomendámovos que pulsedes a tecla de SUSCRIBIR para recibir os avisos a medida que colguemos os pequenos vídeos.
Estas actividades están abertas a todas as familias aínda que non formen parte das ANPAS.
Animádevos a participar!!!
ANPA VALDARROSA - IES PONTE CALDELAS
ANPA VERDUXO - CEIP MANUEL CORDO BOULLOSA
ANPA A FRACHA - CEIP A REIGOSA
Ningún comentario:
Publicar un comentario